توہین عدالت کیس،دانیال عزیز کو شوکاز نوٹس

اسلام آباد..سپریم کورٹ نے توہین عدالت کیس میں وفاقی وزیر برائے نجکاری دانیال عزیز کو شوکاز نوٹس جاری کردیا۔جسٹس عظمت سعید شیخ کی سربراہی میں 3 رکنی بنچ نے توہین عدالت ازخود نوٹس کیس کی سماعت کی۔عدالت نے دانیال عزیز کو شوکاز نوٹس جاری کرتے ہوئے قرار دیا کہ ٹی وی چینلز پر بیانات کی روشنی میں دانیال عزیز بادی النظر میں توہین عدالت کے مرتکب قرار پائے ہیں۔ عدالت نے اٹارنی جنرل کو استغاثہ کا کردار ادا کرنے کی ہدایت کی ہے۔واضح رہے کہ چیف جسٹس ثاقب نثار نے دانیال عزیز کے عدلیہ مخالف بیانات پر توہین عدالت کا ازخودنوٹس لیاتھا۔