سارہ کی پہلی فلم ’کیدر ناتھ‘ نہیں،سامبھا

بالی وڈ کے چھوٹے خان سیف علی خان کی بیٹی سارہ علی خان کی پہلی فلم ’ کیدر ناتھ‘ ریلیز سے قبل ہی تنازعات کا شکار ہوگئی۔گزشتہ دنوں خبریں  آئی تھیں کہ ’کیدر ناتھ‘ کے پروڈیوسر اور ڈائریکٹر کے درمیان فلم  کے بجٹ پر تنازع سامنے  آنے کے بعدشوٹنگ بند کردی گئی۔یہ بھی خبریں تھیں کہ ’کیدر ناتھ‘ میں سرمایہ کرنے والی کمپنی نے ہدایت کار ابھیشپک کپور کے خلاف ممبئی ہائی کورٹ میں جانے کا فیصلہ کرلیا۔ بتایا گیا ہےکہ  بیٹی کی پہلی فلم تنازع کا شکار ہونے کے بعد سیف علی خان میدان میں کود پڑے ہیں اور انہوں نے بیٹی کو فلمی دنیا میں متعارف کرانے کے معاملات خود سنبھال لئے ہیں۔ خبر سامنے  آئی ہے کہ ممکنہ طور پر سارہ علی خان کی پہلی فلم ’کیدر ناتھ‘ نہیں بلکہ رنویر سنگھ کی ایکشن فلم ’سامبھا‘ ہوسکتی ہے۔رپورٹ کے مطابق ’کیدر ناتھ‘ ٹیم کے درمیان تنازع پیدا ہونے کے بعد سارہ علی خان کی اس فلم میں دلچسپی کم ہوگئی ہے اور وہ اسے ادھورا چھوڑ کر دوسرے منصوبے کا حصہ بننا چاہتی ہیں۔