مکہ میں بھیانک ٹریفک حادثہ، 3نوجوان ہلاک

مکہ مکرمہ۔۔۔۔مکہ مکرمہ میں الجعرانہ جانیوالے شرائع المجاہدین روڈ پر گاڑی کے کھمبے سے ٹکرانے پر 3نوجوان جان سے ہاتھ دھو بیٹھے۔ مکہ مکرمہ پولیس اور ہلال احمر نے جائے وقوعہ پہنچ کر تینوں کی لاشیں گاڑی کاٹ کر نکالیں۔گاڑی کھمبے کے چاروں طرف گھوم گئی تھی۔ محکمہ ٹریفک کا کہنا ہے کہ حادثے کی اصل وجہ جنونی ڈرائیونگ تھی۔عام شہریوں کا کہنا ہے کہ ہمارے یہاں شرائع المجاہدین روڈ کو شارع الموت کہا جانے لگا ہے کیونکہ یہاں آئے دن بھیانک حادثے ہوتے رہتے ہیں۔

مزید پڑھیں:-- - - -سعودیوں کیلئے گھریلو عملے کی انتہائی حد مقرر