”کھجوروں، بکریوں اورزرعی فارموں پر ٹیکس نہیں لگے گا“

 طائف.... وزارت ماحولیات و پانی و زراعت نے واضح کیا ہے کہ کھجوروں، بکریوں اور محوری آلات پر ماہانہ فیس نہیں لگائی گئی۔ اس کے برخلاف سوشل میڈیا پر گردش کرنے والی اطلاعات غلط ہیں۔ حقیقت سے انکا کوئی تعلق نہیں۔ وزارت مذکور نے چارہ جات کی زراعت پرپابندی کے منصوبے کے ڈائریکٹر جنرل محمد العبد اللطیف نے توجہ دلائی کہ سوشل میڈیا پر یہ افواہیں پھیلائی جارہی ہیں کہ زرعی فارموں سے متعلق اعدادوشمار جمع کرنے کا اصل مقصد فیسیں لگانا ہے۔ یہ غلط ہے۔ اصل مقصد ابتدائی مرحلے میں یہ ہے کہ زرعی فارموں کو نئی خدمات فراہم کی جائیں۔ اجازت نامے فراہم کئے جائیں۔ وزارت سے مطلوبہ خدمات حاصل کی جاسکیں۔ حقدار کاشتکاروں کو معاوضے تقسیم ہوسکیں۔ سبز چارے کی کھیتی باڑی پر پابندی کے قاعدے ضابطے ترتیب دیئے جاسکیں۔