پی ایس ایل فائنل کے ٹکٹ15مارچ سے ملیںگے
کراچی:پاکستان سپر لیگ کے فائنل کےلئے ٹکٹوں کی قیمتوں کا اعلان کردیا گیا ۔ایک سے 12 ہزار روپے تک مالیت کے ٹکٹ دستیاب ہو ں گے۔ پاکستان کرکٹ بورڈ کے مارکیٹنگ شعبے کے مطابق شائقین کو یہ ٹکٹ 15 مارچ کے بعد دستیاب ہوں گے۔پہلے آئیے پہلے پائیے کی بنیاد پر ملنے والے ٹکٹس آن لائن اور پی سی بی کی جانب سے مقرر کردہ نجی کمپنیوں کی شاخوں میں دستیاب ہوں گے۔ سب سے کم مالیت کا ٹکٹ جنرل انکلوژر کا ہوگا جس کی قیمت ایک ہزار روپے رکھی گئی ہے۔ آصف اقبال، وقار حسن اور ماجد خان انکلوژر کےلئے فی ٹکٹ 4 ہزار روپے میں دستیاب ہوگا جبکہ اسپیشل چلڈرن، قائد انکلوژر، وسیم اکرم اور عمران خان انکلوژر کے ٹکٹ کی قیمت 8 ہزار روپے مقرر کی گئی ہے۔حنیف محمد، فضل محمود اور جاوید میانداد انکلوژر کا ٹکٹ 12 ہزار روپے میں فروخت ہو گا۔ پی ایس ایل کا فائنل 25 مارچ کو کراچی کے نیشنل اسٹیڈیم میں کھیلا جائے گا۔
