اوپو کمپنی جلد ہی ایف 7 اسمارٹ فون متعارف کرانے جا رہی ہے۔ فون کی تصاویر اور ٹیزر پہلے جاری کردیا گیا تھا اور اب فون سے متعلق مکمل تفصیلات بھی سامنے آگئی ہیں۔ اسمارٹ فون میں 6.23 انچ ایل سی ڈی ڈسپلے ، اوکٹا کور میڈیا ٹیک پروسیسر اور 6 جی بی ریم دیا جائیگا۔ اسمارٹ فون میں بوکیھ افیکٹ کے ساتھ 25 میگا پکسل کا فرنٹ کیمرہ دیا جائے گا۔ فون کی پشت پر 16 میگا پکسل کا کیمرہ شامل ہوگا۔ سیکیورٹی کے لیے اسمارٹ فون میں فیس ان لاک فیچر دیا جائے گا۔ فون کی بیٹری 3400 ملی ایمپئیر آورز کی ہوگی۔ اسمارٹ فون کی قیمت سے متعلق حتمی اعلان سامنے نہیں آیا ہے۔
