ہینڈ بیگ پکڑنے کا اسٹائل شخصیت کاآئینہ دارہوتا ہے
ہینڈ بیگ پکڑنے کا اسٹائل کسی بھی خاتون کی شخصیت کاآئینہ دار ہوتا ہے۔جو خواتین ڈھیلے ڈھالے انداز میں پرس پکڑتی ہیں وہ ایگریسو اور اسٹریٹ فارورڈ ہوتی ہیں۔ ایسی خواتین سے متعلق کہا جاتا ہےکہ منہ پھٹ اور بولڈنیس ان کی شخصیت کی سب سے اہم خوبیاں ہیں۔ یہ اسٹائل ان خواتین میں بھی پایا جاتا ہے جو مزاح کو پسند کرتی اور فلرٹ کرنے کو زندگی کا حصہ سمجھتی ہیں۔ ایسی خواتین زندگی کو ہر طرح سے انجوائے کرنا پسند کرتی ہیں روک ٹوک انہیں بالکل پسند نہیں۔جو خواتین اپنے کلچ یا چھوٹے پرس کو دونوں ہاتھوں سے سامنے کی طرف رکھتی ہیں اس سے یہ تاثر ملتا ہے کہ ایسی خواتین شرمیلی ہیں اور تحفظ کی متقاضی ہوتی ہیں۔یہی وجہ ہوتی ہےکہ وہ اپنی شخصیت چھپانے کے لئے بیگ کو آگے رکھتی ہیں ۔کچھ خواتین اپنے پرس جن پر اسٹرپ ہوتے ہیں خواہ وہ بڑے ہوں یا چھوٹے وہ انہیں اپنی کہنی پر لٹکانا پسند کرتی ہیں اور پرس کو سامنے کی طرف رکھتی ہیں تاکہ دوسروں کی پہلی نظر ان سے پہلے ان کے بیگ کی طرف پڑے ایسا وہ خواتین کرتی ہیں جو انتہائی مہنگے، قیمتی اور برانڈڈ قسم کے پرس استعمال کرتی ہیں۔ وہ چاہتی ہیں کہ ہر کوئی ان کے مہنگے پرس کی طرف توجہ دے۔ عام طور پر ایسی خواتین شو آف کرنے کی خصلت سے مالا مال ہوتی ہیں۔اکثر خواتین اپنا کلچ یا چھوٹے ہینڈ بیگ کو بازو میں رکھنا پسند کرتی ہیں پرس بازو میں دبا کر خواتین اپنے ہاتھوں کو فری رکھنا پسند کرتی ہیں۔ ایسی خواتین کی شخصیت میں لاپرواہی کا عنصر زیادہ ہوتا ہے۔ انہیں اس بات کی قطعی کوئی فکر نہیں ہوتی کہ دوسرے ان کے بارے میں کیا سوچتے ہیں یا دوسروں کے ان کے بارے میں کس قسم کے خیالات ہیں ۔انہیں صرف اپنی ذات سے لگاؤ ہوتا ہے۔
