پاکستانی ’ ’کیک‘ ‘نے ایوارڈ جیت لیا

لالی وڈ فیملی فلم ’کیک‘ نے لندن میں ہونے والے20 ویں یوکے ایشین فلم فیسٹیول میں بہترین ڈائریکٹر کا ایوارڈ اپنے نام کرلیا۔خیال رہے کہ ’یو کے ایشین‘ فلم فیسٹیول کا آغاز رواں ماہ 14 مارچ سے ہواہے ۔ میلے کے دوران ’کیک‘ کی خصوصی اسکریننگ بھی کی گئی۔’کیک‘ کا عالمی پریمیئر بھی لندن میں کیا گیا جبکہ فلم کی کاسٹ نے خصوصی طور پر ’یوکے ایشین فلم فیسٹیول‘ میں شرکت کی۔فلم فیسٹیول میں پاکستانی فلم ’ورنہ‘ کی خصوصی نمائش بھی کی گئی، جب کہ فلم کی مرکزی اداکارہ ماہرہ خان کو بھی میلے کے دوران ایوارڈ سے نوازا گیا ۔اب اسی فلم فیسٹیول میں ’کیک‘ کے ذریعے ہدایت کاری کریئر کی شروعات کرنے والے ڈائریکٹر عاصم عباسی کو بہترین ڈائریکٹر کا ایوارڈ دیا گیا۔یہ ایوارڈ برطانوی نشریاتی ادارے کی صحافی آتیکا چوہدری نے وصول کیا ۔خیال رہے کہ ’کیک‘ کے ذریعے ماڈل اور اداکار عدنان ملک نے فلم ڈبیو کیا جب کہ عاصم عباسی نے اس کے ذریعے ڈائریکٹوریل ڈبیو کیا۔