”باہو بلی 2“ کی جاپان میں کامیابی

فلم باہو بلی 2 کے فلمساز ایس ایس راجا مولی نے فلم کی جاپان میں کامیابی اور ریلیز کے 100روز مکمل کرنے پر خوشی کا اظہار کیا ہے۔ ذرائع کے مطابق فلم باہو بلی 2 کے فلمساز ایس ایس راجا مولی نے جاپان کے دارالحکومت ٹوکیو میں سینما میںفلم دیکھتے ہوئے لوگوں کے ساتھ لی گئی اپنی سیلفی شیئر کرتے ہوئے کہا کہ انہیں اپنے مداحوں سے جاپان میں ملاقات کر کے بے حد خوشی ہوئی جنہوں نے فلم کی کامیابی کو یقینی بنایا۔فلموں اور آرٹ کے لئے کوئی سرحد نہیں ۔ فلم گزشتہ سال 29دسمبر کو جاپان میں ریلیز کی گئی تھی۔