قندھار پولیس سربراہ کے گھر پر خودکش حملہ، جنرل رازق محفوظ رہے

کابل۔۔۔3 خودکش بم حملہ آوروں نے ضلع بولڈک میں قندھار پولیس کے سربراہ، جنرل عبدالرازق کے گھر پر حملہ کیا۔ صوبائی اہل کاروں نے بتایا کہ یہ حملہ رات دیر گئے ہوا۔ حکام نے کہا ہے کہ اس سے پہلے کہ وہ اپنے ہدف تک پہنچتے افغان سیکیورٹی افواج نے تینوں حملہ آوروں کو ہلاک کردیا۔یہ حملہ اس وقت شروع ہوا جب سیکیورٹی چوکی کے داخلی دروازے پر ایک خودکش بم حملہ آور نے بارود بھری جیکٹ کو اڑا لیا۔2 دیگر شدت پسند جن کے بدن سے بھی خودکش جیکٹ بندھے ہوئے تھے۔ ایک گھنٹے تک سیکیورٹی محافظین پر گولیاں چلاتے رہے۔مقامی حکام نے کہا ہے کہ حملے میں افغان پولیس کے2 ارکان بھی ہلاک ہوئے۔حملے کے وقت جنرل رازق قندھار شہر میں موجود تھے۔ انھوں نے بتایا ہے کہ ان کے اہل خانہ محفوظ ہیں۔رازق نے بتایا کہ ممکنہ حملے سے متعلق حکام کے پاس پیشگی خفیہ معلومات تھیں، جس کے باعث انھوں نے تمام ضروری سلامتی سے متعلق اقدامات کر لئے تھے۔رازق پر یہ کوئی پہلا حملہ نہیں تھا۔ جب سے وہ جنوبی صوبہ قندھار کے پولیس سربراہ تعینات ہوئے ہیں۔ان پر کئی حملے ہوچکے ہیں جن میں وہ محفوظ رہے ہیں۔کسی گروپ نے اس حملے کی ذمہ داری قبول نہیں کی۔