وطن واپسی پر گرفتار نہ کرنے کی ضمانت دی جائے،مشرف

دبئی...سابق صدر پرویز مشرف نے کہا ہے کہ لازمی طور پر پاکستان جانا چاہتا ہوں۔ پاکستان واپسی پر گرفتار نہ کرنے کی ضمانت دی جائے ۔اگر عدالتیں انصاف کی فراہمی یقینی بنائیں تو واپسی ہو سکتی ہے۔ دبئی میں افطار پارٹی سے خطاب میں سابق صدر نے پاکستان واپسی کی خواہش کا اظہار کر تے ہوئے کہا کہ یہاں خود کو اکیلا محسوس کرتا ہوں لیکن پاکستان جانا بھی چاہوں تو پاسپورٹ نہیں ۔پرویز مشرف نے کہاکہ پاکستان لازمی جانا چاہتا ہوں لیکن ابھی تک واپسی کا فیصلہ نہیں کیا۔ انہوں نے کہا کہ مجھے پاکستان میں آزادانہ سیاسی سرگرمیوں کی اجازت ملنی چاہیئے۔ گرفتار نہ کرنے کی ضمانت دی جائے۔ عدالتیں انصاف کی فراہمی یقینی بنائیں تو واپسی ہو سکتی ہے۔

مزید پڑھیں:مشرف سے کسی کو کیا خطرہ ہو سکتا ہے ،چیف جسٹس