چائے والے کی بیٹی اڑائے گی لڑاکا طیارہ
بھوپال۔۔۔۔مدھیہ پردیش میں چائے فروخت کرنے والے کی بیٹی کو آسمان میں اڑنے کے خواب کی تعبیرمل گئی۔ نیمچ ضلع میں چائے بیچنے والے کی24سالہ بیٹی آنچل گنگوال کا انتخاب ہندوستانی ایئرفورس کے فلائنگ برانچ میں ہوگیاجو لڑاکا طیارہ اڑائے گی۔ آنچل گنگوال نے اپنی لگن اور سخت محنت سے والدین اور خاندان کا نام روشن کیا۔ آنچل کے والد کی چائے کی چھوٹی سی دکان ہے جس سے وہ گھر کا خرچ چلاتے ہیں۔ آنچل آل انڈیا سطح پرمنعقد ایئرفورس فائٹر پائلٹ کیلئے ریاست کی ایئر فورس کی فلائنگ برانچ میں منتخب کی جانیوالے واحد خاتون ہیں ۔ آنچل نے بتایا کہ اترا کھنڈ میں آنیوالے سیلاب کے بعد ہندوستانی فوج کے کاموںسے متاثر ہوکر فوج میں شامل ہونے کی تیاری شروع کردی تھی۔
