لیموں میں اے ایچ اے کی وسیع مقدار موجود ہے جو جلد سے مردہ خلیوں کو صاف کرنے کے لیے قدرتی بلیچ کا کام کرتا ہے . لیموں کا رس داغ دھبوں کو ختم کرنے میں بہترین معاون ثابت ہوتا ہے . اسے استعمال کرنے سے پہلے اس بات کی یقین دہانی کر لیں کہ آپ کا چہرہ ہر طرح کے میک اپ اور کریم سے پاک ہو . اب روئی کے ایک گولے کو لیموں کے رس میں ڈبو کر نشان پر دس منٹ رگڑنے کے بعد چہرہ دھو لیں . یاد رکھیں اس عمل کے بعد اگر گھر سے باہر جانا پڑے تو چہرے پر سن بلاک لگانا ہر گزنہ بھولیں .
لیموں کے علاوہ جلد پر سے پرانے نشانات کو مٹانے کے لیے پیاز کااستعمال بھی حیران کن حد تک فائدہ مند ہے . پیاز کے رس سے تیار شدہ مختلف کریم ، لوشنز اور دیگر مصنوعات مارکیٹ میں دستیاب ہیں جنہیں استعمال کر کے نقصانات سے پاک جلد حاصل کی جاسکتی ہے .
