ججوں کو ڈکٹیٹر نہیں بننا چاہیے، چیف جسٹس سندھ ہائی کورٹ

 کراچی... چیف جسٹس سندھ ہائی کورٹ احمد علی ایم شیخ نے کہا ہے کہ ججز انتہائی اہم منصب پر بیٹھے ہیں۔ انہیں ڈکٹیٹر نہیں بننا چاہیے۔کراچی میں تقریب سے خطاب کرتے ہوئے انہوںنے کہا کہ آنے والے مجسٹریٹس کا تعلق نچلے طبقے سے ہے۔ یہاں موجود مجسٹریٹس میں کوئی مزدور کا بیٹا ہے تو کوئی کسان کا۔ اس مقام تک پہنچنے کے لئے بہت محنت کی ہے ،جس کی مجھے بہت خوشی ہے۔جسٹس احمد علی ایم شیخ نے کہا ججوں کو عہد کرنا چاہیئے کہ انہیں بہت محنت کرنی ہے۔لوگوں کو انصاف پہنچانے کے لئے رات دن ایک کردینا ہے۔انہوں نے کہا کہ جج کے لئے کوئی کیس ہائی پروفائل نہیں ہوتا۔ ہمارے فیصلوں میں کوتاہی اور تاخیر ہوسکتی ہے لیکن بدنیتی نہیں ہوتی۔جج کا کوئی نکتہ نظر بھی نہیں ہوتا۔

مزید پڑھیں:چلاس میں لڑکیوں کے اسکول جلانے کا ازخود نوٹس