ادلب کے معرکے میں 7 لاکھ افراد کے بے گھر ہونے کا خطرہ

جنیوا۔۔۔ اقوام متحدہ کے زیر قیادت امدادی ایجنسیوں کے ایک گروپ کی جانب سے جاری ماہانہ رپورٹ میں کہا گیا ہے کہ شام کے صوبے اِدلب میں بشار حکومت کی جانب سے اپوزیشن جنگجوؤں پر آئندہ حملے کے نتیجے میں 7 لاکھ کے قریب افراد بے گھر ہو سکتے ہیں۔ یہ تعداد کچھ عرصہ قبل شام کے جنوب مغرب میں ہونے والی لڑائی کے سبب بے گھر ہونے والے افراد کی تعداد سے کہیں زیادہ ہے۔شام میں بہت سے معرکوں کا اختتام اْن سمجھوتوں کے ذریعے ہوا جن کے تحت اپوزیشن جنگجوؤں اور ان کے خاندانوں کو اِدلب صوبے کوچ کروا گیا۔ اس کے نتیجے میں اِدلب صوبے کی آبادی دو گْنا ہو کر 25 لاکھ کے قریب پہنچ گئی۔