یوایس اوپن:نوواک ڈوکووچ نے تیسری مرتبہ ٹائٹل جیت لیا

  نیویارک :سربیا کے ٹینس اسٹار نوواک ڈوکووچ نے ارجنٹائن کے یوان مارٹن ڈیل پوٹرو کو شکست دے کر یو ایس اوپن ٹائٹل پھر اپنے نام کرلیا۔نیویار ک کے آرتھر ایش اسٹیڈیم میں کھیلا گیا فائنل سنسنی خیز رہا ۔ سربین اسٹار نے شاندار پرفارمنس سے ارجنٹائنی ٹینس اسٹار جان مارٹن کو 4-6، (4)6-7 اور 3-6 سے شکست دیدی۔نواک ڈوکووچ کے کیرئیر کا یہ 14واں گرینڈ سلام ٹائٹل ہے ۔ یہ ان کا تیسرا یو ایس اوپن ٹائٹل بھی ہے۔اس سے قبل نوواک ڈوکووچ نے 2011 میں ہسپانوی اسٹار رافیل نڈال اور 2015 میں راجر فیڈرر کو شکست دے کر یہ اعزاز اپنے نام کیا تھا۔اپنی اس جیت کے ساتھ ہی نوواک ڈوکووچ سب سے زیادہ گرینڈ سلام جیتنے والے کھلاڑیوں کی فہرست میں مشترکہ طور پر تیسرے نمبر پر آگئے۔نوواک ڈوکووچ کے علاوہ امر یکہ کے عظیم ٹینس اسٹار پیٹر سمپراس بھی 14 گرینڈ سلام ٹائٹل جیتنے والے دوسرے کھلاڑی ہیں۔ان سے قبل انہی کے روایتی حریف راجر فیڈرر 20 مرتبہ جبکہ رافیل نڈال 17 مرتبہ گرینڈ سلام ٹائٹل اپنے نام کر چکے ہیں۔یاد رہے کہ رواں برس جولائی میں ہونے والے سب سے بڑے گرینڈ سلام ٹائٹل ومبلڈن بھی نوواک ڈوکووچ نے اپنے نام کیا تھا۔

کھیلوں کی مزید خبریں پڑھنے کیلئے واٹس ایپ اسپورٹس گروپ جوائن کریں