دبئی میں پاکستان پراپرٹی شو2کا انعقاد
نمائندہ اردو نیوز۔ دبئی
پاکستان کے سب سے بڑے پراپرٹی پورٹل’’ زمین ڈاٹ کام ‘‘پاکستان پراپرٹی شو دبئی،ورلڈ ٹریڈ سنٹر زعبیل ہال 5 میں منعقد کیا گیا۔ زمین ڈاٹ کام کی جانب سے ایسا دوسری مرتبہ ہوا ہے کہ اوور سیز پاکستانیوں کی سہولت کیلئے پاکستان کی باصلاحیت رئیل اسٹیٹ مارکیٹ کا بہترین شو دبئی میں منعقدہو۔
پاکستان پراپرٹی شو کے مہمان خصوصی سفیر پاکستان معظم احمد خان تھے۔ انہوں نے کہا کہ ایسے شو سے اوور سیز پاکستانیوں کا اعتماد بحال ہو گا اور اچھا کام کرنے کا موقع ملے گا۔پاکستان پراپرٹی شو میں پاکستان بزنس کونسل کے ڈائریکٹر احمد شیخانی، پاکستانی اداکار فواد خان،سماجی شخصیات اور دیگر لوگوں نے بھر پور شرکت کر کے اس شو کو کامیاب بنایا۔
