شارجہ: کلثوم نواز کے لئے دعائیہ تقریب
نمائندہ اردو نیوز۔ شارجہ
مسلم لیگ ن کے مقامی رہنما غلام مصطفی مغل اور عبدالمجید مغل کی رہائش پر بیگم کلثوم نواز کی مغفرت کیلئے دعائیہ تقریب منعقد ہوئی جس میں پاکستانی کمیونٹی کی کثیر تعداد نے شرکت کی۔تقریب میں تلاوت قرآن پاک کی سعادت قاری امجد نے حاصل کی۔نعت رسول اکرم شہزاد نے پیش کی۔ میزبان غلام مصطفی مغل نے تمام حاضرین کا شکریہ ادا کیا اور بیگم کلثوم نواز شریف کیلئے دعا کی۔ تقریب میں جمیل اسحاق ‘میاں منیر ہانس ‘دوست محمد اعوان ‘وحید پال ‘عارف منہاس چوہدری ‘غلام عباس بھٹی ‘چوہدری ظفر اقبال ‘ریحان گل ‘محمد غوث ‘سمیت دیگر مہمانوں نے شرکت کی۔
