ڈرائیونگ لائسنس کیلئے سعودی خواتین کو نئی سہولت

منامہ ...بحرین محکمہ ٹریفک نے ڈرائیونگ لائسنس کیلئے ٹریننگ حاصل کرنے والی سعودی خواتین کو رہائش کی شرط سے استثنیٰ دیدیا۔ پابندی یہ تھی کہ جو سعودی خواتین بحرین سے ڈرائیونگ لائسنس حاصل کرنا چاہتی ہوں انہیں ڈرائیونگ کورس کی اجازت اسی وقت دی جائیگی جبکہ وہ بحرین میں رہائش کا سرٹیفکیٹ پیش کریں۔ البحرین انجمن برائے ڈرائیورز کے سربراہ ابراہیم العصفور نے بتایا کہ استثنیٰ کی بدولت ڈرائیونگ لائسنس کی تربیت کیلئے آنے والی سعودی خواتین کا مالی بوجھ کم ہوگا۔ اب وہ آسانی سے ڈرائیونگ لائسنس جلد نکلوا سکیں گی۔