افغانستان میں جھڑپیں، ڈھائی لاکھ افراد بے گھر

کابل ۔۔۔ افغانستان میں جاری پر تشدد واقعات اور جھڑپوں کے باعث رواں برس کے دوران بڑی تعداد میں لوگ اپنا گھر بار چھوڑنے پر مجبور ہوئے۔ اقوام متحدہ کے رابطہ دفتر کی طرف سے جاری کردہ رپورٹ کے مطابق یکم جنوری سے 7 اکتوبر تک افغانستان بھر میں ڈھائی لاکھ کے قریب شہری داخلی طور پر بے گھر ہوئے۔ واضح رہے کہ افغانستان میں حالیہ چند ماہ کے دوران طالبان اور داعش کے حملوں میں اضافہ ہوا۔ دوسری جانب اقوام متحدہ کا کہنا ہے کہ اس سال اب تک افغانستان میں 8050 شہری یا تو مارے گئے یا پھر زخمی ہوئے۔