اردنی انٹلیجنس کا ریٹائرڈ جنرل قاتلانہ حملے میں ہلاک

عمان ۔۔۔اردن میں مسلح افراد کی فائرنگ سے انٹلیجنس ادارے کا ریٹائرڈ جنرل ہلاک ہوگیا۔ یہ واقعہ دارالحکومت عمان میں پیش آیا۔ پولیس نے واقعے کی تحقیقات شروع کردی ہیں۔ ابتدائی تحقیقات کے مطابق سابق انٹلیجنس ڈائریکٹر برائے انسداد دہشت گردی حابس الحناینہ کو دہشت گردوں کی جانب سے نشانہ بنایا گیا۔اردن کے سرکاری ذرائع کے مطابق سابق انٹلیجنس جنرل کی ہلاکت میں ملوث کسی شخص کو گرفتار نہیں کیا گیا۔ پولیس اور دیگر سیکیورٹی ادارے فائرنگ کرنے والے شخص کی شناخت کی کوشش کررہے ہیں۔