آنر 10 لائٹ اسمارٹ فون لانچ‎

ہواوے کمپنی کے سب برانڈ آنر کی جانب سے آنر 10 لائٹ اسمارٹ فون متعارف کرا دیا گیا ہے۔ اس اسمارٹ فون میں 6.21 انچ فل ایچ ڈی پلس ڈسپلے ، اینڈرائڈ پائی آپریٹنگ سسٹم اور اوکٹا کور ہائی سیلیکون کرن 710 پروسیسر دیا گیا ہے۔ فون کو 4 جی بی اور 6 جی بی ریم کے ساتھ 64 جی بی اور 128 جی بی اسٹوریج کے آپشن میں پیش کیا گیا ہے۔ اسمارٹ فون کے کیمرہ سیٹ اپ میں پشت پر 13 میگا پکسل کا پرائمری سینسر اور 2 میگا پکسل کا سکینڈری سنسر دیا گیا ہے۔ فون کا فرنٹ کیمرہ 24 میگا پکسل کا ہے۔ کنیکٹیویٹی کے لیے فون میں فورجی ، وائی فائی ، بلیوٹوتھ ، آڈیو جیک اور جی پی ایس سپورٹ دی گئی ہے ۔ اسمارٹ فون کی بیٹری 3400 ملی ایمپیئر آورز کی ہے۔ فون کو نیلے ، سرخ ، سفید اور کالے رنگ میں متعارف کرایا گیا ہے ۔ 4 جی بی ریم اور 64 جی بی اسٹوریج کے ساتھ فون کی قیمت 1399 یان ، 6 جی بی ریم اور 64 جی بی اسٹوریج کے ساتھ 1699 یان اور 6 جی بی ریم اور 128 جی بی اسٹوریج کے ساتھ 1899 یان ہے۔