علی صالح کی قبر دریافت

صنعاء.... یمن کے سابق صدر علی عبداللہ صالح کی حقیقی قبر کی نشاندہی کرلی گئی۔ صنعاءمیں ان کی پارٹی الموتمر کے رہنما طاہر حزام نے بتایا کہ صدر صالح کو گزشتہ برس حوثیوں نے قتل کرکے صنعاءمیں آرمی اسپتال کے عقب میں واقع قبرستان میں دفنا دیا تھا۔ ان کی تدفین اسپیکر یحییٰ الراعی اور دیگر عہدیدار وں کی موجودگی میں عمل میں آئی تھی۔ علی صالح کے بیٹے احمد نے حصن عفاش قبرستان میں انہیں دفنانے سے منع کردیا تھا۔