چہرے کی شگفتگی اور کشش کیسے بحال رکھیں
چہرے کی شگفتگی ، صحت ، کشش اورجاذبیت بحال رکھنےکے لیے خود پر توجہ دینا اور اپنے لیے وقت نکالنا بہت ضروری ہے . اپنی خوارک ، فٹنس اور صحت و صفائی کا خیال رکھنا آپ کو جاذب نظر ، تندرست وتوانا اور ہشاش بشاش رکھنے کے لیے اہم ہے . سب سے پہلے تو آپ کی خوراک کا متوازن ہونا ایک لازمی امر ہے . یہ جلد پر مثبت اثر ڈالتی ہے . یہی دراصل بہترین صحت کی ضامن ہے . اپنی غذا میں سبزیوں ، پھلوں اور دودھ سےبنی اشیاء کاتناسب بڑھائیں اسطرح جسم کے ہرحصے کو متوازن غذا کا حصول مستقل جاری رہتا ہے . ہفتے میں دو مرتبہ گوشت استعمال کریں اور بازار سے خریدی ہوئی صرف وہ اشیاء کھائیں جو حفظان صحت کے اصولوں کے مطابق تیار کی گئی ہوں . یہ صحت اور فٹنس کو برقراررکھنے کے لیے اہم ہے . اپنے دن کا آغاز تازہ پھلوں کےرس کے ساتھ کریں اس سے دن بھر آپ کے چہرے کی شگفتگی بحال رہے گی . اگر صبح کے اوقات میں ایک کھجور کھالیں تو یہ معدے کی تیزابیت سے بچاتی ہے . خوراک کے علاوہ جلد کی شگفتگی اور ملائمت کو برقراررکھنے کے لیے مناسب صفائی بھی ضروری ہے . اپنی جلد کو سونے سے قبل اچھے کلینزر سے صاف کریں تاکہ جراثیم جلد کو نقصان نہ پہنچا سکیں اور جلد کی صحت بھی بحال رہے . اسکےعلاوہ اپنی شخصیت کو مثبت اورخوبصورت بنانے کے کوشش کریں . اپنے ملبوسات ، میک اپ اور روزمرہ کے معمولات میں تبدیلی لائیں . پوری اور گہری نیند لیں تاکہ آپ اپنے روزمرہ کے کاموں کو خوش اسلوبی سے انجام دے سکیں . اگر آپ ان عوامل کو روزمرہ کی زندگی کا جزو بنا لیں گی تو آپ کی صحت ، کشش اور جاذبیت دوسروں کو بھی نظر آئے گی اور آپ خود بھی خوش و خرم رہیں گے .
