حائل ۔۔۔ حائل ریلی 2019ءٹورنامنٹ میں سعودی شہری عیسیٰ الدوسری اپنے اماراتی معاون علی حسن عبید کے ساتھ اول آگیا۔ الدوسری نے حائل ریلی کا یہ اعزاز مسلسل دوسرے سال حاصل کیا ۔ الدوسری اور علی عبید نے 170.02کلو میٹر کا فاصلہ ایک گھنٹہ 29منٹ اور 49سیکنڈ میں مکمل کیا۔ ریس کا میدان صحراءالنفود تھا۔ الدوسری اور علی عبید 2.22 منٹ کے فرق سے اپنے حریف احمد الشھیل او ر رشید الشمری کو شکست دینے میں کامیاب رہے۔ الدوسری نے کامیابی کا اعزاز حاصل کرنے پر کہا کہ حائل ریلی بیحد مشکل تھی۔ اسے پیر کو بریک میں مشکلات کا سامنا کرنا پڑا جس کی وجہ سے وقت تھوڑا زیادہ لگ گیا۔ اسکی گاڑی کے ٹائر میں سوراخ ہوگئے تھے جنہیں ریکارڈ وقت میں ٹھیک کرلیا گیا۔ گورنر حائل شہزادہ عبدالعزیز بن سعد نے الدوسری کو حائل نیسان ریلی 2019ءکا اعزاز المغواة پارک میں عطا کردیا۔ ریلی میں رشید الشمری دوسرے ،سعود التمیمی تیسرے، زیاد الحربی چوتھے ، مطیر الشمری پانچویں، سامی الشمری چھٹے، خالد الفریحی (فرانس ) ساتویں ، متعب القنون آٹھویں، خالد الجافلا (امارات) نویں اور مشعل الصعیدی (عمان) دسویں نمبر پر آئے۔
