جنوبی افریقہ میں پیٹرو کیمیکل کمپلیکس کے قیام کا معاہدہ

ریاض ۔۔۔ جنوبی افریقہ اور سعودی عرب نے آئل ریفائنری اور پیٹروکیمیکل کمپلیکس قائم کرنے کا معاہدہ کرلیا۔ جنوبی افریقہ کے صدر سے سعودی وزیر پیٹرولیم خالد الفالح اور وزیر تجارت و سرمایہ کاری ڈاکٹر ماجد القصبی نے ملاقات کی۔ انہوں نے خادم حرمین شریفین شاہ سلمان اور ولی عہد شہزادہ محمد بن سلمان کی جانب سے صدر کو خیر سگالی کا پیغام پہنچایا۔ انہوں نے بتایا کہ سعودی قیاد ت جنوبی افریقہ کے ساتھ زیادہ اعلیٰ درجے کی اسٹراٹیجک شراکت قائم کرنے کی آرزو مند ہے۔ اس موقع پر فریقین نے آئل ریفائنری اور پیٹرو کیمیکل کمپلیکس کے قیام کی مفاہمتی یادداشت پر دستخط کئے۔