طالبات کے اسکول میں اژدھے کی آنکھ مچولی

شقراء۔۔۔ شقراءکے ثرمدا پرائمری اسکول کو اژدھا نظر آنے پر خالی کرالیاگیا۔ تفصیلات کے مطابق ایک طالبہ نے رپورٹ درج کرائی کہ اس نے ٹوائلٹ میں اژدھے کے بچے کو گھومتے ہوئے دیکھا ہے۔ فوراً ہی چوکیداروں کو الرٹ کردیا گیا تھا تاہم اژدھے کا کہیں کوئی نام و نشان نظر نہیں آیا۔ خدشات کے پیش نظر اسکول خالی کرالیاگیا۔ اس کے بعد بھی اسکول میں تلاش کا عمل جاری رکھا گیا تاہم اس کا کہیں اتا پتا نہیں مل سکا۔ اسکول دوبارہ کھول دیاگیا۔ اسکول میں تین ہفتے تک تعلیم کا سلسلہ جاری رہا کہ اچانک اصلاح و مرمت کرنے والے کارکنان کو استانیوں کے کمرے کے قریب سانپ دکھائی دیا فورا ً ہی سیکیورٹی اہلکاروں کو طلب کیاگیااور انہوں نے اسے تلاش کرکے ہلاک کردیا۔ اسکول کے خارجی دروازے اچھی طرح بند کرائے گئے اور جہاں جہاں اسکول میں سوراخ تھے انہیں بند کرا دیا گیا۔