جی اشوک کمار ہندوستانی بحریہ کے نائب سربراہ مقرر
نئی دہلی- - - - نائب ایڈمرل جی اشوک کمارہندوستانی بحریہ کے نائب سربراہ مقرر کردیئے گئے۔آرمی اسکول امراوتی نگر کے سابق طالب علم اور نیشنل ڈیفنس اکیڈمی ی كھڑگواسلا کے کیڈٹ رہنے والے وائس ایڈمرل کمار کو بحریہ کی ایگزیکٹیو برانچ میں یکم جولائی 1982 میں تعینات کیا گیا۔3عشروں پر محیط کیریئر کے دوران انہوں نے مختلف عہدے سنبھالے۔فلیگ رینک حاصل کرنے کے بعد وہ فلیگ افسر ٹریننگ، جنوبی بحریہ کمان کے چیف آف اسٹاف، مہاراشٹر اور گجرات کے فلیگ افسر جیسے اہم عہدوں پرفائز رہے۔ وائس ایڈمرل بننے کے بعد وہ نیشنل ڈیفنس اکیڈمی کے کمانڈنٹ اور بحریہ کے ڈپٹی چیف بھی رہے۔وہ آئی این ایس كلش اور رن ویر کے کمانڈنگ افسر اور آئی این ایس برہمپتر کے ایگزیکٹیو آفیسر بھی رہے۔کوچی میں 1989 میں نیویگیشن اینڈ ڈائریکشن میں مہارت حاصل کرنے کے بعد بحریہ کی مختلف آبدوزوں،ویاس،نیل گری،رن ویراوروكرانت میں نیویگیٹنگ آفیسر کے طور پر کام کیا۔
