ون پلس 7 اسمارٹ فون کی تفصیلات لیک

ون پلس کمپنی کے فلیگ شپ اسمارٹ فون ون پلس 7 کی تفصیلات اور تصاویر سامنے آ گئیں ہیں۔کمپنی کے اس فون کو آئی فون کی ٹکر کا قرار دیا جا رہا ہے۔ اس اسمارٹ فون میں کمپنی حقیقی معنوں میں بیزل لیس ڈسپلے دینے جا رہی ہے۔ فون کا ڈسپلے 6.5 انچ ہو گا اور اسے مکمل طور پر بیزل لیس بنانے کے لئے اس میں پوپ اب سیلفی کیمرہ دیا جائے گا۔اسمارٹ فون کی پشت پر ٹرپل کیمرہ سیٹ اپ دیئے جانے کا امکان ہے۔ فون میں چارجنگ کےلئے یو ایس بی پورٹ دی جائے گی جبکہ ہیڈ فون جیک کو فون کا حصہ نہیں بنایا جائے گا۔ انڈر ڈسپلے فنگر پرنٹ ٹیکنالوجی کو فون میں شامل کیا جائے گا۔ اسمارٹ فون میں اسنیپ ڈریگن 855 پروسیسر دیئے جانے کا امکان ہے۔ اسمارٹ فون کی قیمت اور لانچنگ سے متعلق تاحال معلومات فراہم نہیں کی گئیں۔