کئی ٹن پیاز اور آلو ذخیرہ کرنے والے تارکین گرفتار

سعودی وزارت تجارت نے جدہ پولیس کے تعاون سے کئی ٹن پیاز اور آلو ذخیرہ کرنے والےغیر قانونی تارکین کو گرفتار کیا ہے-

سبق ویب سائٹ کے مطابق وزارت تجارت کے ترجمان عبدالرحمن الحسین نے بتایا کہ وزارت تجارت کی کنٹرولر ٹیموں اور جدہ پولیس نے مشترکہ کارروائی کی-

جدہ شہر کے ایک معروف ٹھکانےپر چھاپہ مارا جہاں غیرقانونی طریقے سے سبزیاں ذخیرہ کرکےانہیں تھیلوں، پیکٹوں اور کارٹنز میں رکھاجارہا تھا-

الحسین نے مزید کہا کہ چار ٹن پیاز اور آلو بھی ضبط کیے گئے۔ ضبط کردہ اشیا فلاحی انجمنوں کے حوالے کردی گئیں-