رمضان میں جسم کی آسانی کے لیے ٹپس

رمضان کا مقدس مہینہ شروع ہو چکا ہے اور اگر آپ  پہلی بار روزہ رکھ رہے ہیں تو اپنے جسم کی آسانی کے لیے رمضان میں ان ٹپس کو آزمائیں۔

دیویندر بینز فِٹس کواڈ DXB میں پرسنل ٹرینر اور نیوٹریشن کوچ ہیں جو ایک چیک لسٹ کی مدد سے آپ کے لیے اس تبدیلی کو آسان بنائیں گے۔ چلیے دیکھتے ہیں کہ وہ ہمیں کام کی پہلی بات کیا بتاتے ہیں۔

زیادہ پانی پینا شروع کردیں

رمضان میں جسم میں پانی کی سطح کم ہو جاتی ہے اور خاص طور پر گرمی اگر مئی کی ہو تو یہ کمی اور بھی بڑھ جاتی ہے۔ اگلے دنوں میں جسم پر پڑے والے اس اثر کو کم رکھنے کی کوشش کریں اور ابھی سے ہر روز پانی کے ایک یا دو اضافی گلاس پینا شروع کر دیں۔

کیلوریز کی مقدار کو کم کریں

اگرچہ کچھ لوگوں کو زیادہ کھانے کا شوق ہو سکتا ہے لیکن آپ کو کرنا یہ ہے کہ رمضان کے دوران بھوک نہ لگے۔ رمضان سے پہلے زیادہ خوراک کھانے سے، جسم کو زیادہ کھانے کی عادت پڑ جاتی ہے۔ اپنے جسم میں کیلوری کی مقدار کو کم کرنے کے لیے چربی والے کھانوں کی بجائے وہ کھانے کھائیں جن میں پروٹین زیادہ ہوتی ہے۔

کافی پینا کم کریں

فرض کریں آپ کافی پیتے ہیں تو اگر آپ ابھی سے کافی پینا کم کردیں گے تو رمضان کے آغاز میں کافی نہ پینے کی مشکل اور کافی چھوڑنے کی وجہ سے ہونے والا سر درد کم ہوجائے گا۔

دن میں ایک دو مرتبہ کافی کے اثر کو کم کرنے والی چیزیں لیں، خاص طور پر سہ پہر کے وقت کیونکہ رمضان میں یہی وہ وقت ہوگا جب آپ کا جسم روزے کے دوران کیفین کے لیے بے تاب ہو گا۔ اگر آپ سگریٹ نوش ہیں تو ابھی سے سگریٹ کی تعداد میں بھی کمی کرنا شروع کر دیں۔

نیند کے اوقات کو تبدیل کرنا شروع کریں

ہر روز نیند سے جاگنے کے لیے آپ جس وقت کا الارم لگاتے ہیں، آج سے روزانہ اس وقت سے کچھ پہلے کا الارم لگائیں۔ نیند کی کمی کا ازالہ جلدی سو کر کریں۔اس چھوٹی سی تبدیلی کے ذریعے آپ سحری کے وقت آسانی سے جاگنے کے قابل ہو جائیں گے۔

سنیک بھی کم کرنے ہوں گے

 ہم میں سے بہت سے لوگوں کا جسم تین کھانوں کے علاوہ دن میں سنیک اور مشروبات کا عادی ہوتا ہے۔ اگر آپ آج سے ہی سنیک استعمال کرنا ختم کر دیں تو روزے کے دوران جسم کو اس نئی تبدیلی کے ساتھ ہم آہنگ ہونے میں زیادہ دقت نہیں ہوگی کیونکہ رمضان میں آپ ایک ہی بڑا کھانا چھوڑ رہے ہوں گے!