جی ٹوئنٹی: کورونا کے خلاف غریب ممالک کے لیے 14 ارب ڈالر
جی ٹوئنٹی: کورونا کے خلاف غریب ممالک کے لیے 14 ارب ڈالر
جمعہ 29 مئی 2020 18:42
مالیاتی گروپ کا چوتھا آ ن لائن اجلاس سعودی عرب کی صدارت میں ہوا ہے(فوٹو ٹوئٹر)
سعودی عرب کی صدارت میں جی ٹوئنٹی نے غریب ملکوں کو کورونا سے نمٹنے کے لیے 14 ارب ڈالر دینے کا فیصلہ کیا ہے.
سعودی عرب کی صدارت میں جی ٹوئنٹی مالیاتی گروپ کے چوتھا ہنگامی آ ن لائن اجلاس میں انتہائی غریب ملکوں کے قرضہ مسائل حل کرنے کے لیے جی ٹوئنٹی پروگرام کی تازہ صورتحال پر غوروخوض کیا گیا.
عاجل ویب سائٹ کے مطابق جی 20 بین الاقوامی مالیاتی گروپ میں شامل سعودی ٹیم کے سربراہ بندر الحمالی نے بتایا کہ انتہائی غریب ملکوں کی مدد کے لیے 14 ارب ڈالر سے زیادہ فراہم کیے جاسکتے ہیں.
36 غریب ملکوں نے قرضوں کی قسطیں ملتوی کرنے کی درخواستیں دی ہیں.(فوٹوٹوئٹر)
انہوں نےکہا کہ عالمی بینک کا ابتدائی تخمینہ یہی ہے کہ کورونا کی وبا پر قابو پانے میں مدد کے لیے 14 ارب ڈالر سے زیادہ فی الفور مہیا کیے جاسکتے ہیں.
الحمالی کے مطبق پروگرام میں قرضہ دینے والے دیگر فریق مثلا کثیر فریقی ترقیاتی بینک اور قرضے دینے والے ادارے شامل ہوئے تو انتہائی غریب ملکوں کے لیے مدد کی رقم مزید بڑھ سکتی ہے.
الحمالی نے واضح کیا کہ کورونا کی وبا سے نمٹنے کے لیے انتہائی غریب ملکوں کی خاطر ’قرضہ انٹرسٹ کی معطلی‘ پروگرام جی ٹوئنٹی کی تاریخ کی بڑی کامیابی ہے.اس پروگرام پرعمل درآمد کے پہلے مہینے میں 36 غریب ملکوں نے قرضوں کی قسطیں ملتوی کرنے کی درخواستیں دی ہیں.
