سعودی ملازم کی برطرفی پر کتنا جرمانہ؟

سعودی وزیر افرادی قوت وسماجی بہبود انجینیئر احمد الراجحی نے کورونا کی وبا سے متاثرہ نجی اداروں کے سعودی ملازمین کے لیے شاہی فرامین کی خلاف ورزیوں پر سزائیں مقرر کی ہیں۔

المرصد ویب سائٹ کے مطابق شاہی فرمان کے تحت طے کیا گیا تھا کہ متاثرہ نجی ادارے اپنے یہاں تعینات سعودی ملازمین کو وبا کے دوران برطرف نہیں کریں گے اور سرکاری خزانے سے ان کی تنخواہ ادا کی جائے گی۔

وزیر افرادی قوت نے طے کیا ہے کہ اگر کسی نجی ادارے نے سعودی ملازم کو سرکار کی جانب سے دیے جانے والے معاوضے کا دورانیہ ختم ہونے کے بعد برطرف کیا تو فی برطرف کارکن 50 ہزار ریال کا جرمانہ ہوگا۔

وزارت نے دوسری پابندی یہ لگائی ہے کہ اگر کسی نجی ادارے نے کسی ایسے سعودی ملازم کو جو شاہی سبسڈی پروگرام میں شامل نہ ہو برطرف کر دیا تو فی برطرف سعودی ملازم کرنے والے ایسے ادارے پر 10 ہزار ریال جرمانہ ہوگا۔

وزارت نے تیسرا ضابطہ یہ مقرر کیا ہے کہ  اگر کسی نجی کمپنی نے سرکاری خزانے سے ادا کی جانے والی تنخواہ کا دورانیہ ختم ہو جانے کے بعد سعودی ملازمین کا محنتانہ بحال نہ کیا تو ایسی صورت میں کمپنی پر فی سعودی ملازم 20 ہزار ریال کا جرمانہ ہوگا۔

خود کو اپ ڈیٹ رکھیں، واٹس ایپ گروپ جوائن کریں