عرب اتحاد نے حوثیوں کے مزید ڈرونز اور میزائل حملے ناکام بنادیے

عرب اتحاد برائے یمن نے ایک اور حملہ ناکام بنا دیا۔ سعودی عرب پر حملہ آور حوثیوں کے بارود بردار ڈرونز اور بیلسٹک میزائل  ہدف پر پہنچنے سے پہلے ہی تباہ کردیے ہیں۔

سعودی خبررساں ادارے ایس پی اے کے مطابق عرب اتحاد کے ترجمان کرنل ترکی المالکی نے جمعرات کو بتایا کہ دہشتگرد حوثیوں نے منصوبہ بند طریقے سے جان بوجھ کر سول تنصیبات اور شہریوں کو نشانہ بنانے کے لیے بارود بردار ڈرونز اور متعدد بیلسٹک میزائلوں سے حملہ کیا تھا۔  ہدف پر پہنچنے سے قبل ہی میزائل اور ڈرونز تباہ کردیے گئے۔

کرنل المالکی نے بتایا کہ دہشتگرد حوثی جان بوجھ کر بارود بردار ڈرونز اور بیلسٹک میزائلوں کے ذریعے سول تنصیبات اور شہریوں پر حملے کرکے ماحول گرمانے کی کوشش کررہے ہیں۔

ترجمان نے کہا کہ عرب اتحاد برائے یمن حوثیوں کا ہر حملہ ناکام بنانے  کے لیے پرعزم ہے۔ حوثیوں کے جارحانہ عزائم کو دیکھتے ہوئے عرب اتحادی چوبیس گھنٹے مستعد رہتے ہیں تاکہ کسی بھی وقت میزائل یا ڈرون حملے کو ناکام بنایا جاسکے۔

خود کو اپ ڈیٹ رکھیں، واٹس ایپ گروپ جوائن کریں