یوکرین کا فوجی طیارہ گر کر تباہ ہوگیا ہے جس میں سوار کم از کم 22 افراد ہلاک جبکہ دو زخمی ہوئے ہیں۔
خبر رساں ادارے اے ایف پی کے مطابق یوکرین کی ایئر فورس کا طیارہ انیٹو نوف 26 مشرقی شہر خرکیو میں گر کر تباہ ہوا ہے۔
یوکرین کے نائب وزیر داخلہ نے اے ایف پی کو حادثے میں ہونے والی ہلاکتوں کی تصدیق کرتے ہوئے کہا ہے کہ واقعے کی تحقیقات کی جا رہی ہیں۔
ہلاک ہونے والوں میں سے اکثریت طالب علموں کی تھی جو خرکیو نیشنل ایئر فورس یونیورسٹی میں زیر تعلیم تھے۔
یوکرین ایئر فورس کی جانب سے جاری بیان میں کہا گیا ہے کہ طیارے میں سوار 27 مسافروں میں 20 کیڈٹ اور سات افراد پر مشتمل جہاز کا عملہ شامل ہے۔
#Chuhuiv: Ukrainian authorities say at least 22 people have died in a military plane crash in northeast Ukraine. The AN-26 military plane was carrying a total of 28 passengers when it crashed and burst into flames in Chuhuiv, Kharkiv Oblast.
— I.E.N. (@BreakingIEN) September 25, 2020
