السعودیہ: بین الاقوامی ٹکٹوں پر 75 فیصد رعایت

سعودی عریبین ایئرلائنز (السعودیہ) نے اپنے قیام کی 75 ویں سالگرہ کے موقع پر ٹکٹوں پر 75 فیصد رعایت کا اعلان کردیا-

عاجل ویب سائٹ کے مطابق السعودیہ نے ٹویٹر کے اپنے اکاؤنٹ پر بیان جاری کرکے کہا ہے کہ ’سعودی عریبین ایئرلائنز کے قیام کی 75 ویں سالگرہ کا جشن سعودی پروازوں سے سفر کرکے منائیے- کسی بھی بین الاقوامی سٹیشن کے لیے ٹکٹ پر 75 فیصد رعایت حاصل کیجئے‘-

السعودیہ نے توجہ دلائی کہ ’ہم اپنے تمام معزز مسافروں کی جملہ خواہشات کو پورا کرنے کے لیے کوشاں ہیں- تمام داخلی پروازیں تدریجی طور پر بحال کردی جائیں گی‘-

السعودیہ کا کہنا ہے کہ ’پہلے سے متعین ہوائی اڈوں کے سوا نئے ہوائی اڈوں کے لیے پروازیں بھیجنے کا فیصلہ کرنے پر بروقت اعلان کیا جائے گا- مسافر حضرات سے امید کرتے ہیں کہ وہ ویب سائٹ پر جاکر لنک کے ذریعے پروازوں کی تفصیلات دریافت کریں‘-

خود کو اپ ڈیٹ رکھیں، واٹس ایپ گروپ جوائن کریں