کفالت کا نظام ختم کرنے کی خبر پر وزارت افرادی قوت کی وضاحت
وزارت ہیومن ریسورسز نے کہا ہے کہ معلومات سرکاری ذرائع سے حاصل کی جائیں: فائل فوٹو
سعودی وزارت ہیومن ریسورسز نے کفالت کا نظام ختم کرنے کی خبر کی وضاحت کرتے ہوئے کہا ہے کہ وہ کئی فامولوں پر غور کر رہی ہے۔
وزارت کے ترجمان ناصر الہذانی نے ٹوئٹر پر اپنے آفیشل اکاؤنٹ میں کہا ہے کہ ’وزارت افرادی قوت لیبر مارکیٹ کو منظم کرنے کے لیے متعدد فارمولوں پر کام کر رہی ہے‘۔
ترجمان نے بتایا ہے کہ’اس حوالے سے جیسے ہی کوئی فارمولہ منظور ہوگا تو اس کا اعلان کر دیا جائے گا۔‘
واضح رہے کہ منگل اور بدھ کی درمیانی شب ایک ویب سائٹ نے اپنے ذرائع سے خبر جاری کی تھی کہ وزارت افرادی قوت کفالت سے متعلق نظام میں کچھ تبدیلیاں کرنے جا رہی ہے۔
مذکورہ خبر جاری ہوتے ہی سوشل میڈیا میں وائرل ہوگئی اور وسیع پیمانے پرشہریوں سمیت غیر ملکیوں نے اسے شیئر کردیا جبکہ متعدد غیر ملکی اخباری اداروں نے بھی اسے جاری کیا ہے۔
وزارت افرادی قوت کے ترجمان کا کہنا ہے کہ ’اس طرح کی معلومات سرکاری ذرائع سے حاصل کی جائیں۔‘
ایگریمنٹ ختم، کفیل خروج نہائی نہیں لگا رہا، کیا کریں؟Node ID: 511816
کفیل دوسری جگہ ٹرانسفر کے لیے انکار کرے تو کیا کریں؟Node ID: 513711
’اقامہ تجدید، فیس جمع کرا دینا کافی نہیں‘Node ID: 513951
