ہزارو ں مسافر یکم جنوری کا انتظار کر رہے ہیں(فوٹو سبق)
سعودی عرب اور بحرین کو جوڑنے والا کنگ فہد پل یکم جنوری 2021 سے عام افراد کےلیے دوبارہ کھولا جا رہا ہے۔ اس پل کو کورونا وائرس کا پھیلاو روکنے کے لیے بند کیا گیا تھا۔
سبق ویب سائٹ کے مطابق کنگ فہد پل نئے سال کے شروع میں عام لوگوں کے لیے کھولا جائے گا۔ ہزارو ں مسافر یکم جنوری کا انتظار کر رہے ہیں جب انہیں کنگ فہد پل کے راستے بحرین جانے کی اجازت ہوگی۔
کنگ فہد پل کی انتظامیہ نے بندش کے دوران کنگ فہد پل کے انٹری پوائنٹ کو جدید خطوط پر استوار کیا ہے۔ سعودی عرب او بحرین دونوں ملکوں کے حکام نے اپنے متعلقہ حصے میں کئی اہم سہولتوں کا اضافہ کیا ہے۔
ے آن لائن فیس کی ادائیگی کا سسٹم موثر کردیا گیا ہے۔(فوٹو سبق)
انتظامیہ نے بتایا ہے کہ پل پر نئے انٹری گیٹ قائم کرکے پرانے گیٹ ہٹا دیے گئے ہیں۔ سعودی عرب سے بحرین جانے والوں کے لیے آن لائن فیس کی ادائیگی کا سسٹم موثر کردیا گیا ہے۔
ان دنوں کنگ فہد پل سے جی سی سی ممالک کے شہریو کو محدود آمد ورفت کی اجازت ہے۔ مسافروں پر کورونا وبا سے بچاو کے ضوابط او ر حفظان صحت کی شرائط نافذ کی جا رہی ہیں۔
