سعودی عرب میں کورونا وائرس کی نئی لہر کے خدشے کے پیش نظر بین الاقوامی سفر پر پابندی عائد کردی گئی ہے۔
پابندی کا مقصد لوگوں کو برطانیہ اور یورپی ممالک میں پھیلنے والی کورونا وائرس کی نئی شکل سے محفوظ رکھنے کے لیے کیا گیا ہے۔
اس ضمن میں وزارت صحت کا کہنا ہے کہ کورونا وائرس کی نئی شکل کے حوالے سے ماہرین تحقیق کررہے ہیں تاکہ اس وائرس کے پھیلاؤ کو جانچا جاسکے۔
سعودی عرب میں بین الاقوامی سفر پر عائد پابندی کے ساتھ ہی تمام معاملات رک گئے ہیں۔ بین الاقوامی پروازیں بند ہونے کے اعلان کے بعد ویزوں کا اجرا بھی عارضی طور پر روک دیا گیا ہے جبکہ فضائی کمپنیوں کی جانب سے بھی ٹکٹوں کی رقم کی واپسی کا عمل شروع کردیا گیا ہے۔
اردو نیوز کے قارئین کی جانب سے موصول ہونے والے بعض سوالات اور ان کے جوابات حاضر خدمت ہیں۔
شیراز احمد کا سوال ہے کہ نیا ویزہ پاسپورٹ پر لگ چکا ہے 26 دسمبر کا ٹکٹ لیا ہے، نئے ویزے والوں کے لیے ممکت میں آنے پر کوئی پابندی تو نہیں؟
جواب: سعودی عرب میں نئے کورونا وائرس کی دوسری لہر کے باعث 20 دسمبر کی شب بین الاقوامی پروازوں کی آمدورفت پر ایک ہفتے کے لیے پابندی عائد کردی گئی ہے۔ پابندی کے حوالے سے وزارت داخلہ کا کہنا تھا کہ برطانیہ سمیت یورپی ممالک میں کورونا وائرس کی نئی شکل کے باعث احتیاطی اقدامات کے پیش نظر پابندی عائد کی گئی ہے۔
مزید پڑھیں
-
سعودی پروازوں کی معطلی لیکن ’پاکستانی مسافر پریشان نہ ہوں‘Node ID: 526441
سعودی عرب میں وزارت صحت اور دیگر ادارے مشترکہ طور پر حالات کا جائزہ لینے کے بعد لائحہ عمل مرتب کرتے ہیں۔ اس ضمن میں حکام کا کہنا تھا کہ کورونا وائرس کی دوسری شکل کے حوالے سے ماہرین ابھی تحقیق کررہے ہیں جیسے ہی وائرس کی تبدیل ہونے والی شکل کے بارے میں طبی ماہرین کی جانب سے کی جانے والی تحقیق کے نتائج سامنے آئیں گے ان کے تناظر میں پابندیوں کے حوالے سے احکامات جاری کردیے جائیں گے ۔
آپ کا کہنا ہے کہ ویزہ پاسپورٹ سٹمپ ہو چکا ہے اور آپ کی فلائٹ 26 دسمبر کی ہے جبکہ سعودی عرب میں نئے کورونا وائرس کی دوسری لہر کی وجہ سے تمام بین الاقوامی آمدورفت کو عارضی طور پر معطل کردیا گیا ہے۔
فی الحال چونکہ سفر پر حکومت کی جانب سے پابندی عائد کی گئی ہے اس لیے آپ کا ویزہ کارآمد ہے جیسے ہی پابندی اٹھائے جانے کا اعلان ہو گا اردو نیوز میں اس بارے میں فوری طور پر اطلاع فراہم کردی جائے گی۔
تاہم یہ یاد رکھیں کہ سعودی عرب آنے والوں کو پی سی آر ٹیسٹ کرانا لازمی ہے جو سفر سے زیادہ سے زیادہ 72 گھنٹے قبل کا ہونا چاہیے۔
اسد اقبال نے پوچھا ہے کہ معلوم یہ کرنا ہے کہ اگر میں اپنی فیملی کو وزٹ ویزے پر بلاتا ہوں تو کیا فیملی کے ہوتے ہوئے اپنی کمپنی تبدیل کرسکتا ہوں؟ اگر کمپنی تبدیل کرنا چاہوں تو فیملی کے لیے کوئی مسئلہ تو نہیں ہوگا؟
جواب: آپ اپنی فیملی کو وزٹ ویزے پر بلا سکتے ہیں۔ اگر آپ کمپنی تبدیل بھی کرنا چاہییں تو اس میں کوئی مضائقہ نہیں کیونکہ فیملی آپ کی زیر کفالت ہوگی اس سے کمپنی کا کوئی لینا دینا نہیں ہوتا ۔
مزید پڑھیں
-
ایگریمنٹ ختم ہونے پر اقامہ تجدید ہو سکتا ہے؟
Node ID: 525911 -
اقامہ ختم، پاسپورٹ بھی پاس نہیں کیا کروں؟Node ID: 526581
جہاں تک کمپنی تبدیل کرنے کے بارے میں سوال ہے تو وزٹ پر آنے والی فیملی کا معاملہ آپ کی کمپنی کے معاملات پر اثر انداز نہیں ہوگا۔ وہ اسی طرح رہیں گے اس سے کوئی فرق نہیں پڑے گا۔
تاہم اس امر کا خیال رکھیں کہ سعودی عرب میں مارچ 2021 سے نئے قوانین مرتب ہورہے ہیں۔ اس میں کافی تبدیلیاں متوقع ہیں خاص کر غیر ملکی کارکنوں کے ٹرانسفر وغیرہ کے حوالے سے نئے نکات زیر غور ہیں۔
