سعودی عرب کےعلاقے اللیث میں ایک انڈین باشندے نے چھت سے چھلانگ لگا کر خودکشی کرلی۔ پولیس واقعہ کی تحقیقات کر رہی ہے۔
سبق ویب سائٹ کے مطابق پولیس کا کہنا ہے کہ ’انڈین کارکن کی ہلاکت کے حقائق دریافت کرنے کے لیے تحقیقات شروع کردی ہے‘۔
’ابتدائی اطلاعات سے پتہ چلا ہے کہ منگل کی صبح انڈین کی لاش اس دکان کے سامنے پڑی پائی گئی جہاں وہ ملازمت کررہا تھا‘۔
’سی سی کیمروں کے معائنے سے پتہ چلا ہے کہ اس نے چھت سے چھلانگ لگا کر خودکشی کی ہے‘۔
پولیس نے اطلاع ملنے پر کارروائی کی اور لاش ہسپتال کے سردخانے میں محفوظ کردی گئی۔ پولیس اس دوران موت کے اسباب دریافت کرکے کارروائی کو آگے بڑھائے گی۔
