سعودی عرب میں مکہ گورنریٹ نے کہا ہے کہ کنگ عبدالعزیز انٹرنیشنل ایئرپورٹ جدہ سے پروازوں کی آمد ورفت کا سلسلہ جاری ہے اور پروازیں موخر نہیں کی گئی ہیں۔
اخبار 24 کے مطابق مکہ گورنریٹ کی جانب سے ایک بیان میں کہا گیا ہے کہ ’موسمی حالات کی وجہ سے ایئرپورٹ پر پروازوں کا سلسلہ متاثر نہیں ہوا اور کوئی بھی پرواز منسوخ نہیں کی گئی۔‘
یاد رہے کہ موسمیات کے قومی مرکز نے خبردار کیا تھا کہ’ بدھ کے روز بھی جدہ میں گردو غبار کا طوفان جاری رہے گا اور حد نظر انتہائی محدود ہوجائے گی۔‘
موسمیات کے قومی مرکز کا یہ بھی کہنا تھا کہ ’تیز ہواؤں کا زور نہیں ٹوٹا اور گرد آلود ہوائیں چلنے کا سلسلہ جاری رہنے کا امکان ہے۔‘
