رمضان میں ’فحص دوری‘ مراکز کے اوقات کار کا اعلان

سعودی عرب میں گاڑیوں کے سالانہ کمپیوٹر ٹیسٹ (فحص فنی دوری) کے ادارے نے کہا ہے کہ رمضان کے دوران مملکت کے تمام علاقوں میں گاڑیوں کے کمپیوٹر سٹیشنوں کے اوقات کار مقرر کیے گئے ہیں۔

اخبار 24 کے مطابق ادارے نے بیان میں کہا کہ ریاض میں المونسیہ اور دیراب، جدہ میں النزھۃ اور الشفا فحص سٹیشن، مکہ مکرمہ ، مدینہ منورہ، دمام، الھفوف، ینبع، تبوک، القصیم، طائف، ابھا، الخرج، نجران، جازان، حائل اور حفر الباطن میں فحص کے سٹیشن روزانہ صبح 9  سے سہ پہر چار بجے تک اور پھر رات  9  سے رات 2 بجے تک کھلیں گے۔

بیان میں مزید کہا گیا کہ یہ اوقات کار سنیچر سے جمعرات تک کے ہیں۔

ادارے نے بتایا کہ الرس، المجمعہ، الخرمہ، الجوف، بیشہ، الباحہ، محایل عسیر، عرعر، الخفجی، القریات، وادی الدواسر میں سنیچر سے جمعرات تک فحص دوری سٹیشنوں کے اوقات کار صبح دس سے شام پانچ بجے تک رہیں گے۔