حائل کی تاریخی مسجد قفار جو ایک بیوہ نے تعمیر کرائی

سعودی عرب میں حائل کے علاقے میں تاریخی مساجد موجود ہیں۔ مسجد قفار قدیم ترین مساجد میں شامل ہے۔ امیر محمد بن سلمان پروجیکٹ کے تحت حال ہی میں اس کی اصلاح و مرمت، تزئین و توسیع کا کام انجام دیا گیا ہے۔ 

شہزادہ محمد بن سلمان نے مملکت کے 10 علاقوں میں 30 تاریخی مساجد کی تجدید کرائی ہے۔

عاجل ویب سائٹ  کے مطابق  الجراد مسجد مغیضۃ قصبے کی قدیم ترین مسجد ہے۔ یہ 1279 ھ  مطابق 1862 میں تعمیر کی گئی تھی۔ 1382 ھ مطابق 1962 میں اس کی اصلاح ومرمت کی گئی تھی۔ 1412ھ مطابق 1991 تک اس میں نماز ادا کی جاتی رہی۔ اس کے نمایاں ترین ائمہ میں عبدالعزیز الجمیل، سالم الجمیل اور عبداللہ الجمیل کے نام آتے ہیں۔

مسجد قفار 14 ویں صدی ہجری کے نصف اول میں  قائم کی گئی۔ رقیہ بنت عبداللہ نے اپنے شوہر کی وفات کے بعد یہ مسجد تعمیر کرائی تھی۔ 1385ھ مطابق 1965 میں اس کی اصلاح و مرمت ہوئی اور یہ محراب والے ستون پر تحریر ہے۔

اس مسجد میں نماز جمعہ اد ا کی جاتی تھی۔ آس پاس کے قریو ں کے باشندے یہاں جمعہ کی ادائیگی کے لیے آتے تھے۔ 1991 میں مسجد کے صحن میں ایک نیا مصلے قائم کیا گیا جہاں  فی الوقت نماز ادا کی جاتی ہے اور اس میں جمعہ بھی ادا ہوتا ہے۔ اس مسجد کے ائمہ میں شیخ ناصر السلامی، سلیمان السلامی، محمد الخریصی اور عبداللہ الغیثی کےنام قابل ذکر ہیں۔

قفار تاریخی مسجد حائل شہر اور العلا شہر کو جوڑنے والی شاہراہ کے قریب قفار کے قدیم قصبے میں واقع ہے۔ یہ حائل شہر سے 20 کلو میٹر جنوب میں ہے۔ 

اس مسجد کا طرز تعیر سعودی عرب کے وسطی علاقے سے ملتا جلتا ہے۔ مٹی اور پتھر سے تعمیر کی گئی ہ۔ اس کی چھت میں لکڑیاں استعمال کی گئی ہیں۔ کیکڑ کی شاخیں اور کھجور کی چھال بھی استعمال ہوئی ہے۔ اس کا کل رقبہ 687 مربع میٹر ہے اس میں 170 نمازیوں کی گنجائش تھی۔

مسجد قفار توسیع کے بعد وسیع ہو گئی ہے اور اب 400 نمازیوں کی جگہ ہوگئی ہے۔ خواتین کا  مصلے بھی بنایا گیا ہے۔ خواتین اور مردوں کے الگ الگ وضو خانے اور طہارت خانے بنائے گئے ہیں۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں