تمباکو مصنوعات پر سیلز ٹیکس میں کمی کی تجویز 

مجلس شوری نے مملکت بھر میں تمباکو مصنوعات پر سیلز ٹیکس میں کمی کی تجویز پر بحث کا فیصلہ کیا ہے- 

شوری کے ماتحت خدمات کمیٹی نے اس حوالے سے سیلز ٹیکس میں کمی کا جائزہ لینے کی تجویز دی ہوئی ہے- 

الریاض اخبار کے مطابق شوری کی مذکورہ کمیٹی نے تجویز کیا ہے کہ تمباکو مصنوعات پر سیلز ٹیکس سو فیصد کے بجائے دس سے بیس فیصد تک وصول  کیا جائے-  اس پر بحث پیر کے اجلاس میں ہوگی- 

یاد رہے کہ سعودی شوری نے شہروں کے اندر تمباکو مصنوعات کے حوالے سے ریستورانوں اور قہوہ خانوں کے لیے لائسنسوں کے اجرا کے قواعد و ضوابط پر بحث سے انکار کردیا تھا- جس میں تمباکو مصنوعات پر سیلز ٹیکس میں کمی کی تجویز پیش کی گئی تھی- 

تجویز کیا گیا تھا کہ تمباکو مصنوعات فروخت کرنے والی دکانوں سے سالانہ ایک لاکھ ریال تک ٹیکس وصول کیا جائے- انہیں تمباکو مصنوعات پیش کرنے کا لائسنس دے دیا جائے جبکہ دکانوں میں تمباکو مصنوعات کے مجموعی سودے پرسو فیصد تک ٹیکس وصول کیا جائے-