’آرامکو‘ کو بانڈز کی فروخت سے 6 ارب ڈالرکی آمدن

سعودی آرامکو کے سربراہ انجینیئر امین الناصر نے کہا ہے کہ سعودی آرامکو نے بین الاقوامی مارکیٹ میں بانڈز کے  ذریعے 6 ارب ڈالر جمع کرلیے-  

بانڈز اسلامی  شریعت کے اصولوں کے مطابق اور امریکی ڈالر سے منسلک تھے- بڑے سرمایہ کاروں نے بانڈز خریدے- پوری دنیا میں اب تک کمپنیوں کی تاریخ میں ڈالر والے بانڈز اتنی بڑی رقم میں پہلے کبھی فروخت نہیں کیے گئے- 

عاجل ویب سائٹ کے مطابق بانڈز کا نیا ایڈیشن پہلے ایڈیشن کے مقابلے میں  20 گنا زیادہ تھا- اس سے عالمی مالیاتی منڈیوں کے سرمایہ کاروں کے یہاں سعودی آرامکو کی حیثیت کا اندازہ لگایا جاسکتا ہے- 

الناصر نے توجہ دلائی کہ اس کامیابی سے سعودی آرامکو کی مضبوط  مالی پوزیشن اجاگر ہوئی ہے- یہ بھی پتہ چلا ہے کہ بڑے سرمایہ کار آرامکو کی کارکردگی، ڈسپلن، لچکدار پالیسی پر بھروسہ رکھتے ہیں- 

الناصر نے کہا کہ آرامکو کے ملازمین کا کردار کلیدی ہے جو مختلف ذمہ داریاں احسن طریقے سے انجام دے رہے ہیں- 

سعودی آرامکو چیئرمین کے نائب اعلی خالد الدباغ نے بانڈز کے پہلے بین الاقوامی ایڈیشن کی کامیابی پر خوشی کا اظہار کیا- طلب 60 ارب ڈالر سے تجاوز کر گئی- 

الدباغ نے کہا کہ یہ کامیابی توانائی کے شعبے میں سعودی آرامکو کے قائدانہ کردار اور بین الاقوامی سرمایہ کاروں کے یہاں اس کی اہمیت کا پتہ دے رہی ہے۔