سعودی عرب میں وزارت اسلامی امور و دعوت و رہنمائی نے پانچ علاقوں میں عارضی طور پر بند کی جانے والی چھ مساجد کو سینیٹائزنگ کے بعد کھول دیا ہے۔
سرکاری خبر رساں ایجنسی ایس پی اے کے مطابق گزشتہ 136 روز کے دوران ایک ہزار 627 مساجد نمازیوں کے وائرس میں مبتلا پائے جانے کے باعث عارضی طور پر بند کی گئی ہیں اور انہیں سینیٹائز کے بعد دوبارہ کھولا گیا ہے۔
وزارت اسلامی امور نے بیان میں کہا کہ منگل کو جو چھ مساجد بحال کی گئی ہیں ان میں سے 2 کا تعلق مشرقی ریجن جبکہ ایک، ایک کا تعلق ریاض، قصیم، جازان اور حدود شمالیہ سے ہے۔
