سعودی امازون کے ذریعے سوا کارڈ ریچارج کرائیں

سعودی مواصلاتی کمپنی ایس ٹی سی نے  سوا صارفین کے لیے ایک اور سہولت فراہم کی ہے۔ امازون ایپ یا ویب سائٹ کے ذریعے سوا ریچارج کرایا جاسکے گا۔  

ویب نیوز سبق کے مطابق ایس ٹی سی نے بیان میں کہا کہ نئی سہولت کا انتظام سعودی امازون کی شراکت سے کیا گیا ہے۔

سوا صارفین عربی و انگریزی دونوں زبانوں میں سوا کارڈ تیزی اور آسانی سے ریچارج کراسکیں گے۔

ایس ٹی سی نے صارفین کو طریقہ کار بتاتے ہوئے کہا کہ وہ امازون ایپ یا www.amazon.sa کے ذریعے موبائل ریچارج کراسکیں گے۔ سوا سم کو انٹرکرنا ہوگا اس کے بعد آن لائن کارروائی کرنا ہوگی۔ ادائیگی کریڈٹ کارڈ یا سعودی امازون گفٹ اور ڈسکاؤنٹ کارڈ کے ذریعے ہوسکے گی۔ 

ایس ٹی سی کا کہنا ہے کہ اگر کوئی صارف اپنے دوست یا کسی فیملی ممبر کے لیے ریچارج کرانا چاہے تو وہ ایسا بھی کرسکتا ہے۔ موبائل پر انٹرکیا جائے پھر مطلوبہ رقم کا اندراج کیا جائے۔اس کے بعد باقی کارروائی مکمل کرلی جائے۔

چینل بائی ایس ٹی سی کے ایگزیکٹیو چیئرمین فیصل العتیق نے کہا کہ سعودی امازون کے ذریعے موبائل ریچارج کرانے کی سہولت اہم اضافہ ہے۔