حج سیزن کے لیے 1700 خصوصی بسوں کا انتظام
ہفتہ 10 جولائی 2021 20:32
عازمین حج کو مکہ مکرمہ سے مشاعرمقدسہ لے جایا جائے گا۔ (فوٹو العربیہ)
حج سیزن کے لیے ٹرانسپورٹ سینڈیکیٹ نے 1700 خصوصی بسوں کا انتظام کیا ہے جس کے ذریعے عازمین حج کو مکہ مکرمہ سے مشاعرمقدسہ لے جایا جائے گا۔
ویب نیوز سبق کے مطابق ٹرانسپورٹ کمیٹی کا کہنا ہے کہ اس سال حج سیزن کے لیے عازمین کی نقل و حمل کے تمام انتظامات مکمل کرلیے گئے ہیں۔
ٹرانسپورٹ کی انتظامی کمیٹی نے 68 کمپنیوں کی خدمات حاصل کی ہیں جن کے ذریعے 1700 بسوں کا انتظام کیا گیا ہے۔ مخصوص بسیں عازمین کو مکہ مکرمہ سے مشاعر مقدسہ لے جائیں گی ۔
واضح رہے اس سال محدود تعداد کی وجہ سے مشاعر میٹرو سروس نہیں چلے گی اسی لیے بس سینڈیکیٹ کی خدمات فراہم کی گئی ہیں۔
کورونا وائرس کے خدشے کے پیش نظر بسوں اور حجاج کی رہائش کو مسلسل سینیٹائز کیاجائے گا اس حوالے سے بس خدمات فراہم کرنے والے اداروں کی جانب سے بھی یقین دہانی کرائی گئی ہے۔
جب سفر حج کے لیے اونٹوں کی جگہ گاڑیوں نے لیNode ID: 581666
’رواں برس حج کا ماڈل آئندہ برسوں میں بھی نافذ ہوگا‘Node ID: 581681
