متعدی امراض میں مبتلا 200 مریضوں کورکھنے کی گنجائش تھی(فوٹو، ٹوئٹر)
مشرق وسطی کا سب سے بڑا قرنطینہ مرکز 65 برس قبل جدہ شہر میں قائم کیا گیا تھا- کنگ عبدالعزیز اکیڈمی نے اپنے ٹوئٹرپراس حوالے سے وڈیو کلپ جاری کی ہے-
ویب نیوز ’سبق‘ کے مطابق اکیڈمی کا کہنا ہے کہ شاہ سعود نے 3 اپریل 1956 کو جدہ کے قرنطینہ کا افتتاح کیا تھا- جسے اس وقت مشرق وسطی کا سب سے بڑا قرنطینہ مانا گیا تھا-
عالمی ادارہ صحت کے ماہرین نے 150 ملین ریال کی لاگت سے قرنطینہ کی منصوبہ بندی اپنی نگرانی میں کرائی تھی-
تاریخی قرنطینہ 150 عمارتوں پرمشتمل تھا(فوٹو، ٹوئٹر)
جدہ کا یہ تاریخی قرنطینہ 150 عمارتوں پر مشتمل تھا- 22900 مربع میٹر کے رقبے پر قائم کیا گیا تھا-
قرنطینہ میں آئسولیشن والی عمارتیں تیار کی گئی تھیں جہاں متعدی امراض میں مبتلا 200 افراد کی گنجائش تھی- علاوہ ازیں حجاج کے کپڑوں کے لیے لانڈریاں، گرم حمام اور مختلف ضروریات پوری کرنے کے لیے کئی عمارتیں تیار کی گئی تھیں-
