مملکت کا منفرد تفریحی مقام ’ضال‘، جہاں سال بھر موسم ٹھنڈا رہتا ہے

جازان کی الریث کمشنری میں قدرتی تفریحی مقام ’ضال‘ جبل القھر کے قلب میں واقع ہے- یہ تفریح مقام اپنے سحر آفریں مناظر غاروں، آبشاروں اور سال بھر معتدل آب و ہوا کے باعث سیاحوں کے کشش کا باعث بنی ہوئی ہے-

العربیہ نیٹ کے مطابق ضال سعودی عرب کے اہم ترین سیاحتی اور خوبصورت، پرفضا مقامات میں سے ایک ہے- یہاں تاریخی نقوش پر مشتمل ورثہ بھی ہے اور وادیوں، پہاڑوں، میدانی علاقوں سے مزین خوبصورت مناظر بھی ہیں-

ضال تفریح گاہ سعودی عرب کے جنوب مغرب میں واقع ہے- سعودی آپٹیکل پیکٹوریل علی الریثی نے اس کی تصاویر سوشل میڈیا پر شیئر کرکے سیاحوں میں اس کی سیر کا شوق بیدار کیا ہے-

الریثی کا کہنا ہے کہ یہاں گھنے جنگلات کے جمالیاتی مناظر،عرعر اور زیتون کے درخت دیکھنے سے تعلق رکھتے ہیں- یہاں سال بھر موسم ٹھنڈا رہتا ہے- پہاڑوں پر زرعی کیاریوں کے سبز مناظر آنکھوں کو بھلے لگتے ہیں اور دل کو بھاتے ہیں-

الریثی نے بتایا کہ ضال میں مختلف شکل و صورت کے خوبصورت غار ہیں- ان میں سے بعض پندرہ میٹر اونچے ہیں- ان کے اطراف قدرتی مناظر ہار کی شکل میں نظر آتے ہیں- یہاں سعودی عرب کے خوبصورت ترین سیاحتی مقامات الوقبہ، امدحرۃ، امنایف اور غافلۃ ہیں- ان کے آبشار، دلکش مناظر اور آثار قدیمہ بے حد پرکشش ہیں- جازان کے باشندے یہاں موسم گرما گزارنا پسند کرتے ہیں-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں